Displaying items by tag: manifestation

Mei de 54 acamps hens tots los País d’Oc qu’estón organizats, sovent au darrèr moment.
Un estrategia de terrenh diferenta deus autes pòples qui se son concentrats hens un sol lòc deu lor territòri (mei petit totun) com los Bascos qui s’amassèn en zòna charnega a Baiona (a l'entorn de 10 000 personas), los Bretons a Guingamp (10 000 manifestants.as), los Alsacians a Colmar, los de Corsega a Bastia o enqüèra los Catalans a Perpinhan (2 000 personas).
En Occitania, la mobilizacion esparrisclada (quauques miliers en tot) qu’avó l’avantatge de har parlar hens ua multituda de médias locaus en mei d’un tractament de la premsa exagonau qui trobè rarament un tau equivalent dab los comentaris costumèrs cargats d’ignorança o de maishanta fè.
Totun las  rasons de s’estrambordar que mancan. Las granas vilas occitanas que muishèn un desinterés consequent : 100 personas a Bordèu, un drin mei a Montpelhier e a Lemòtges, quauquas detzenas a Clarmont e a Ais en Provença.
Que son fin finau las vilas petitas o mejana qui an amassat lo mei de monde : mei de 400 a Pau, centenats a Albi, mei de 100 a Tarba,  un cinquantenat a Tolon, Agen, etc. Qu’èra sovent lo parat de parlar de la situacion aus elejuts locaus o de’us demandar ua presa de posicion clara. Las diferentas organizacions : oc-bi, calandreta, organizacions politicas qu’èran urosas d’aver au mensh podut miar un tribalh « pedagogic » sus representants qui èran a còps hèra luenh. Lo deputat d’Olt e Garona, Michel Lauzzana que demandè « mais d’où vient l’Occitan ? »
Totun, ua critica que corre : e pòt enqüèra ganhar quauqu’arren l’occitanisme en seguir aquera estrategia de lobbying chic efficaç e cargat de desilusions regularas ? De mei que podem constatar qu’enqüèra un còp los occitans e las occitanas e son demorats plan charmants quan en Bretanha e cremèssen l’article 2 o en Alsacia e lancèssen haria sus la cara deu president regionau de Grand-Est.
Que podem sonque notar un cambiament de lexic dab la nocion d’etnocidi afichada e partatjada. En efèit, lo hèit de tuar la nosta identita culturau qu’ei mei justa e mei grèu que lo simple linguicide.
 Enfin, que vam esperar de véder quin s’organizeràn adara los occitanistas cap a l’anticonstitucionalitat deu sistèmi imersiu qui s’ameritarè tot simplament de contra-atacar los simbèus de la Republica qui ns’etnocida.
 A notar, qu'en ensenhament 'anticonstitucionau' immersiu : Calandreta, qu'i a 64 escòlas, tres collègis e 1 licèu, repartits sus 19 departaments, per 3937 escolans escolarizats.
Cap aus devis ipocritas deus politicians de tot escantilh tanben hens ua temporada electorau on vam espiar çò que perpauseràn los e las qui dísen deféner l’occitan e çò qui heràn vertaderalent entaus País d’Òc. 
 
Tolon (fòto P.-L.P.)


Pàmias (fòto @blanc_loic)

Agen (fòto FPRO)
 
Pau (fòto @lamasetMaza)
 
Tarba (fòto FPRO)
 
Published in Societat
Top
We use cookies to improve our website. By continuing to use this website, you are giving consent to cookies being used. More details…